Curso de iniciación á fotografía dixital na natureza (gal)

Tes unha cámara dixital réflex ou compacta?  Sácalle o máximo partido!  Descubre trucos básicos para fotografar a natureza con diferentes técnicas. Aprende o fluxo de traballo dixital e revela as túas imaxes RAW con Adobe Lightroom. Queres participar no noso concurso e gañar noites de hotel?

Queres sacar fotos desde o mellor banco do mundo? e sacar fotos como estas co profe Xacobo de Toro?

 

A quen se destina este obradoiro?                                                   

• Amantes da natureza que queren rexistrar o seu día a día no campo 
• Iniciados no mundo da fotografía dixital 
• Afeccionados con algo de experiencia que queren descubrir a foto de natureza 
• Interesados nos procedementos básicos de revelado dixital e catalogación de fotos 
• Nenos ou adultos, non importa a idade. (Os menores deben vir acompañados dun adulto) 
•  Xente con gañas de aprender algo novo

Cando?                                                                                            

Curso de tres días: 26, 27 e 28 de Outubro

Onde se desenvolve o curso?                                                          

• As saídas fotográficas faranse no entorno privilexiado do Hotel Rural Castaño Dormilón, no LIC da Ría de Ortigueira-Ladrido 
• As sesións teóricas desenvólvense no hotel 

Que vas a practicar e aprender?                                                      

• Coñecer a túa cámara dixital
• Suxeitar correctamente a cámara e usar o trípode 
• Aprender os pilares básicos da fotografía. O encadre
• Configurar e elixir os axustes do dial . Modos automáticos: nocturno, macro, deportes...
• Traballar efectivamente nos modos de prioridade de apertura, prioridade de obturador e manual
• Escoller o diafragma, tempo de exposición, sensibilidade, compensar a exposición ...en función da luz existente e da escena. 
• Medir a luz correctamente e os tipos de medición
• Interpretar e seleccionar a profundidade de campo
• Usar o modo de enfoque manual e automático en función do momento. 
• Ler e comprender o histograma das fotos na cámara e no ordenador
• Elixir con criterio a lonxitude focal axeitada para obter a foto desexada
• Descubrir filtros analóxicos(degradadado, ND e polarizador) e dixitais con Adobe Lightroom 4
• Compoñer a imaxe en base a regras básicas e tomar en consideración os fondos
• Usar eficientemente o flash e os seus modos de sincronización
• Coñecer algunhas técnicas avanzadas: macrofotografía, digiscoping e foto con microscopio
• Manexar o fluxo de traballo axeitado para traballar con Adobe Lightroom 4
• Seleccionar as túas fotos de xeito crítico, aprendendo dos  erros cometidos durante a toma e os dos compañeiros, para que non volvan a suceder
• Organizar e xestionar as túas imaxes en Adobe Lightroom con palabras clave para manexar o teu arquivo de xeito eficiente
• Avaliar pros e contras do formato RAW, TIFF e JPG
• Procesar e revelar os teus RAW 
• Coñecer os libros básicos que fundamentan a fotografía de natureza e as principais páxinas web onde colgar as nosas fotos de natureza.
• Principais concurso nacionais e internacionais de fotografa de natureza

Como se desenvolve o curso?                                                          

• Combinando sesións teóricas con obradoiros prácticos
• O venres pola tarde avaliarase fundamentos de fotografía xeral 
• O sábado e domingo á mañá realízanse saídas fotográficas para practicar os conceptos explicados na sesións teóricas
• En función das condicións meteorolóxicas poderanse cambiar a orde dalgunha das sesións

Canto?                                                                                              

Prezos para todos os petos, consúltanos!

O profesor                                                                                       

Xacobo de Toro é profesor no ensino público de bioloxía e xeoloxía e practica a fotografía de natureza dende hai máis de 15 anos. Leva anos impartindo cursiños de formación e recibiu premios de fotografía a nivel nacional e internacional.
Portfolio en Whytake

  

PROGRAMA                                                                                 

Venres

19:00-22:00

Teoría: (parada para café no descanso)
• Filosofía do fotógrafo de natureza
• Compoñentes da cámara dixital
• Tipos de cámaras e conceptos básicos
• Presests da cámara: modo de disparo, programas, modo de medición, modo de flash, atofocus/manual, estabilizador, sensibilidade, balance de brancos, formato de imaxe
• Principais lentes empregadas na foto de natureza :
o Angulares
o Macros
o Teleobxectivos
• Técnicas novidosas: 
o Digiscoping. Fotografando o afastado a través de telescopio
o Fotografía de aproximación e macrofotografía
o Fotografía a través de microscopio ou lentes de ampliación. Fotografando o minúsculo

Sábado

09:00 - 14:00 Saída fotográfica na contorna do curso
16:00 - 20:00 Sesión teórico-práctica de ordenador (parada para café no descanso)
• Axustes básicos de Lightroom 4 e principais comandos
• Descarga das imaxes no ordenador
• Identificación e selección das mellores imaxes
• Catalogación con palabras clave e categorías
• Exposición e visionado das mellores imaxes dos presentes para ser analizadas
23:00. Sesión fotográfica nocturna de longa exposición se o tempo o permite

Domingo

10:00 - 14:00 Saída fotográfica.
16:00 - 19:00 Sesión teórico-práctica de computador: (parada para café no descanso)

·         Proceso e fluxo de traballo co ordenador

·         Revelado de fotografías RAW e JPG.

·         Formatos de saída das imaxes para impresión e web. Creación de marcas de auga

•  Exposición e visionado das mellores imaxes dos asistentes para ser analizadas e avaliadas por todos

O curso inclúe:                                                                        

- 2 noites de aloxamento en hab. dobre ou  suite.
- 2 almorzos  (zume de laranxa, unha variedade de doces e salados  iogures, cafés .. etc)
- Saída guiado e interpretado 
- 3 coffee-break
- 2  ceas no hotel.

Prezos:                                                                                    

-Prezo por persoa en hab dobre  co taller: 195 €
-acompañante (sen taller): 110 €

-Prezo por persoa en suite co taller: 250 € *
-acompañante (sen taller): 145 €

Uso de suplementos: se estás nunha dobre ti solo: 50 € *
o taller (só asistencia) sen aloxamento : 110 € *

Faremos un CONCURSO!
Entre os participantes do taller farase  un concurso no que o gañador será premiado con : unha noite na suite do CASTAÑO DORMILÓN(con almorzo) e  a publicación da foto gañadora nas redes sociais do hotel.

FAQ:                                                                                                                        

A miña cámara ten que ser réflex?

Non é preciso, pode ser unha compacta, unha cámara formato bridge ou unha micro cuatro tercios.

A cámara que teño ten que disparar en formato raw?

Non é imprescindible que a cámara dispoña de formato RAW, sendo suficiente o formato JPG para realizar o curso.

E obrigatorio levar trípode e flash?

Non é imprescindible dispor de trípode para asistir ao curso, pero si moi aconsellable ter ambas cousas.

Teño que levar o meu propio coche?

Non dispor de coche non é problema para realizar o curso. Seguro que nos podemos organizar entre os coches dos asistentes e a organización para facerche un recuncho e que todos poidamos desfrutar das saídas fotográficas.

E imprescindible que leve o meu portátil?

É aconsellable levar un portátil que soporte o fluxo de traballo de Lightroom 4 para as sesións teórico-prácticas. Se non o tes, podes compartilo cun compañeiro ou tomar notas e logo practicar na casa.  O lightroom 4 é  un software completo e potente de edición dixital que debes xa traer instalado no teu portátil. Para aqueles que non saiban como descargalo ou instalalo, subministraráselles a versión de proba do Lightroom 4, válida durante quince días.

Podo levar o meu portátil e manexar outro programa de revelado diferente como Rawtherapy, Aperture, Adobe camera raw ou unha versión de Lightroom anterior?

Por suposto que si. A maioría dos programas de revelado son bastante semellantes, aínda que o ideal sería que todos traballásemos coa mesma versión de Lightroom 4.

Teño que asistir ao curso enteiro?, e se un día non podo ir?

Non te preocupes. Facilitaráseche o material e apuntes igualmente previamente se é preciso para que poidas ler na casas e logo asistir as horas que poidas.

Onde faremos as fotos?

En localizacións escollidas no entorno de Ortigueira e Espasante

Que roupa debo levar?

A mesma que levarías para facer sendeirismo: cómoda e confortable e dependendo das condicións meteorolóxicas: chuvasqueiro, polar, botas cómodas e resistentes á auga,  paraugas (moi recomendable para protexer ben o equipo)...etc

Son menor de idade, podo asistir ao curso?

Non hai ningún problema, pero debes vir acompañado dun adulto, pai ou titor que estea ao teu cargo durante as saídas